Sri Gananayaka Ashtakam – గణనాయకాష్టకం – Telugu Lyrics

గణనాయకాష్టకంఏకదంతం మహాకాయం తప్తకాంచనసన్నిభమ్ | లంబోదరం విశాలాక్షం వందేఽహం గణనాయకమ్ || 1 ||
మౌంజీకృష్ణాజినధరం నాగయజ్ఞోపవీతినమ్ | బాలేందుసుకలామౌళిం వందేఽహం గణనాయకమ్ || 2 ||
అంబికాహృదయానందం మాతృభిఃపరివేష్టితమ్ | భక్తప్రియం మదోన్మత్తం వందేఽహం గణనాయకమ్ || 3 ||
చిత్రరత్నవిచిత్రాంగం చిత్రమాలావిభూషితమ్ | చిత్రరూపధరం దేవం వందేఽహం గణనాయకమ్ || 4 ||
గజవక్త్రం సురశ్రేష్ఠం కర్ణచామరభూషితమ్ | పాశాంకుశధరం దేవం వందేఽహం గణనాయకమ్ || 5 ||
మూషకోత్తమమారుహ్య దేవాసురమహాహవే | యోద్ధుకామం మహావీర్యం వందేఽహం గణనాయకమ్ || 6 ||
యక్షకిన్నరగంధర్వసిద్ధవిద్యాధరైః సదా | స్తూయమానం మహాబాహుం వందేఽహం గణనాయకమ్ || 7 ||
సర్వవిఘ్నహరం దేవం సర్వవిఘ్నవివర్జితమ్ | సర్వసిద్ధిప్రదాతారం వందేఽహం గణనాయకమ్ || 8 ||
గణాష్టకమిదం పుణ్యం యః పఠేత్సతతం నరః | సిధ్యంతి సర్వకార్యాణి విద్యావాన్ ధనవాన్ భవేత్ || 9 ||
ఇతి శ్రీ గణానాయకాష్టకం సంపూర్ణమ్ |

[download id=”399462″]