Sri Kirata Varahi Stotram – శ్రీ కిరాత వారాహీ స్తోత్రం – Telugu Lyrics

శ్రీ కిరాత వారాహీ స్తోత్రంఅస్య శ్రీ కిరాత వారాహీ స్తోత్ర మహామంత్రస్య దూర్వాసో భగవాన్ ఋషిః, అనుష్టుప్ ఛందః, శ్రీకిరాతవారాహీ ముద్రారూపిణీ దేవతా, హుం బీజం, రం శక్తిః, క్లీం కీలకం,మమ సర్వశత్రుక్షయార్థం శ్రీకిరాతవారాహీస్తోత్రజపే వినియోగః | ఉగ్రరూపాం మహాదేవీం శత్రునాశనతత్పరామ్ | క్రూరాం కిరాతవారాహీం వందేఽహం కార్యసిద్ధయే || 1 ||
స్వాపహీనాం మదాలస్యామప్రమత్తామతామసీమ్ | దంష్ట్రాకరాళవదనాం వికృతాస్యాం మహారవామ్ || 2 ||
ఊర్ధ్వకేశీముగ్రధరాం సోమసూర్యాగ్నిలోచనామ్ | లోచనాగ్నిస్ఫులింగాద్యైర్భస్మీకృత్వాజగత్త్రయమ్ || 3 ||
జగత్త్రయం మోదయంతీమట్టహాసైర్ముహుర్ముహుః | ఖడ్గం చ ముసలం చైవ పాశం శోణితపాత్రకమ్ || 4 ||
దధతీం పంచశాఖైః స్వైః స్వర్ణాభరణభూషితామ్ | గుంజామాలాం శంఖమాలాం నానారత్నవిభూషితామ్ || 5 ||
వైరిపత్నీకంఠసూత్రచ్ఛేదనక్షురరూపిణీమ్ | క్రోధోద్ధతాం ప్రజాహంతృ క్షురికేవస్థితాం సదా || 6 ||
జితరంభోరుయుగళాం రిపుసంహారతాండవీమ్ | రుద్రశక్తిం పరాం వ్యక్తామీశ్వరీం పరదేవతామ్ || 7 ||
విభజ్య కంఠదంష్ట్రాభ్యాం పిబంతీమసృజం రిపోః | గోకంఠమివ శార్దూలో గజకంఠం యథా హరిః || 8 ||
కపోతాయాశ్చ వారాహీ పతత్యశనయా రిపౌ | సర్వశత్రుం చ శుష్యంతీ కంపంతీ సర్వవ్యాధయః || 9 ||
విధివిష్ణుశివేంద్రాద్యా మృత్యుభీతిపరాయణాః | ఏవం జగత్త్రయక్షోభకారకక్రోధసంయుతామ్ || 10 ||
సాధకానాం పురః స్థిత్వా ప్రవదంతీం ముహుర్ముహుః | ప్రచరంతీం భక్షయామి తపః సాధకతే రిపూన్ || 11 ||
తేపి యానో బ్రహ్మజిహ్వా శత్రుమారణతత్పరామ్ | త్వగసృఙ్మాంసమేదోస్థిమజ్జాశుక్లాని సర్వదా || 12 ||
భక్షయంతీం భక్తశత్రోరచిరాత్ప్రాణహారిణీమ్ | ఏవం విధాం మహాదేవీం యాచేహం శత్రుపీడనమ్ || 13 ||
శత్రునాశనరూపాణి కర్మాణి కురు పంచమి | సర్వశత్రువినాశార్థం త్వామహం శరణం గతః || 14 ||
తస్మాదవశ్యం శత్రూణాం వారాహి కురు నాశనమ్ | పాతుమిచ్ఛామి వారాహి దేవి త్వం రిపుకర్మతః || 15 ||
మారయాశు మహాదేవీ తత్కథాం తేన కర్మణా | ఆపదః శత్రుభూతాయా గ్రహోత్థా రాజకాశ్చ యాః || 16 ||
నానావిధాశ్చ వారాహి స్తంభయాశు నిరంతరమ్ | శత్రుగ్రామగృహాన్దేశాన్రాష్ట్రాన్యపి చ సర్వదా || 17 ||
ఉచ్చాటయాశు వారాహి వృకవత్ప్రమథాశు తాన్ | అముకాముకసంజ్ఞాంశ్చ శత్రూణాం చ పరస్పరమ్ || 18 ||
విద్వేషయ మహాదేవి కుర్వంతం మే ప్రయోజనమ్ | యథా నశ్యంతి రిపవస్తథా విద్వేషణం కురు || 19 ||
యస్మిన్ కాలే రిపుస్తంభం భక్షణాయ సమర్పితమ్ | ఇదానీమేవ వారాహి భుంక్ష్వేదం కాలమృత్యువత్ || 20 ||
మాం దృష్ట్వా యే జనా నిత్యం విద్వేషంతి హసంతి చ | దూషయంతి చ నిందంతి వారాహ్యేతాన్ ప్రమారయ || 21 ||
హంతు తే ముసలః శత్రూన్ అశనేః పతనాదివ | శత్రుదేహాన్ హలం తీక్ష్ణం కరోతు శకలీకృతాన్ || 22 ||
హంతు గాత్రాణి శత్రూణాం దంష్ట్రా వారాహి తే శుభే | సింహదంష్ట్రైః పాదనఖైర్హత్వా శత్రూన్ సుదుఃసహాన్ || 23 ||
పాదైర్నిపీడ్య శత్రూణాం గాత్రాణి మహిషో యథా | తాంస్తాడయంతీ శృంగాభ్యాం రిపుం నాశయ మేధునా || 24 ||
కిముక్తైర్బహుభిర్వాక్యైరచిరాచ్ఛత్రునాశనమ్ | కురు వశ్యం కురు కురు వారాహీ భక్తవత్సలే || 25 ||
ఏతత్కిరాతవారాహ్యం స్తోత్రమాపన్నివారణమ్ | మారకం సర్వశత్రూణాం సర్వాభీష్టఫలప్రదమ్ || 26 ||
త్రిసంధ్యం పఠతే యస్తు స్తోత్రోక్త ఫలమశ్నుతే | ముసలేనాథ శత్రూంశ్చ మారయంతి స్మరంతి యే || 27 ||
తార్క్ష్యారూఢాం సువర్ణాభాం జపేత్తేషాం న సంశయః | అచిరాద్దుస్తరం సాధ్యం హస్తేనాకృష్య దీయతే || 28 ||
ఏవం ధ్యాయేజ్జపేద్దేవీమాకర్షణఫలం లభేత్ | అశ్వారూఢాం రక్తవర్ణాం రక్తవస్త్రాద్యలంకృతామ్ || 29 ||
ఏవం ధ్యాయేజ్జపేద్దేవీం జనవశ్యమాప్నుయాత్ | దంష్ట్రాధృతభుజాం నిత్యం ప్రాణవాయుం ప్రయచ్ఛతి || 30 ||
దూర్వాస్యాం సంస్మరేద్దేవీం భూలాభం యాతి బుద్ధిమాన్ | సకలేష్టార్థదా దేవీ సాధకస్తత్ర దుర్లభః || 31 ||
ఇతి శ్రీ కిరాతవారాహీ స్తోత్రమ్ |

[download id=”399252″]