Sri Ahobala Narasimha Stotram – శ్రీ అహోబల నృసింహ స్తోత్రం – Telugu Lyrics

శ్రీ అహోబల నృసింహ స్తోత్రంలక్ష్మీకటాక్షసరసీరుహరాజహంసం పక్షీంద్రశైలభవనం భవనాశమీశమ్ | గోక్షీరసార ఘనసారపటీరవర్ణం వందే కృపానిధిమహోబలనారసింహమ్ || 1 ||
ఆద్యంతశూన్యమజమవ్యయమప్రమేయం ఆదిత్యచంద్రశిఖిలోచనమాదిదేవమ్ | అబ్జాముఖాబ్జమదలోలుపమత్తభృంగం వందే కృపానిధిమహోబలనారసింహమ్ || 2 ||
కోటీరకోటిఘటితోజ్జ్వలకాంతికాంతం కేయూరహారమణికుండలమండితాంగమ్ | చూడాగ్రరంజితసుధాకరపూర్ణబింబం వందే కృపానిధిమహోబలనారసింహమ్ || 3 ||
వరాహవామననృసింహసుభాగ్యమీశం క్రీడావిలోలహృదయం విబుధేంద్రవంద్యమ్ | హంసాత్మకం పరమహంసమనోవిహారం వందే కృపానిధిమహోబలనారసింహమ్ || 4 ||
మందాకినీజననహేతుపదారవిందం బృందారకాలయవినోదనముజ్జ్వలాంగమ్ | మందారపుష్పతులసీరచితాంఘ్రిపద్మం వందే కృపానిధిమహోబలనారసింహమ్ || 5 ||
తారుణ్యకృష్ణతులసీదళధామరమ్యం ధాత్రీరమాభిరమణం మహనీయరూపమ్ | మంత్రాధిరాజమథదానవమానభృంగం వందే కృపానిధిమహోబలనారసింహమ్ || 6 ||
ఇతి శ్రీ అహోబల నృసింహ స్తోత్రమ్ ||

[download id=”399808″]