శ్రీ భద్రలక్ష్మీ స్తవం శ్రీదేవీ ప్రథమం నామ ద్వితీయమమృతోద్భవా | తృతీయం కమలా ప్రోక్తా చతుర్థం లోకసుందరీ || 1 ||
పంచమం విష్ణుపత్నీ చ షష్ఠం స్యాత్ వైష్ణవీ తథా | సప్తమం తు వరారోహా అష్టమం హరివల్లభా || 2 ||
నవమం శార్ఙ్గిణీ ప్రోక్తా దశమం దేవదేవికా | ఏకాదశం తు లక్ష్మీః స్యాత్ ద్వాదశం శ్రీహరిప్రియా || 3 ||
శ్రీః పద్మా కమలా ముకుందమహిషీ లక్ష్మీస్త్రిలోకేశ్వరీ | మా క్షీరాబ్ధిసుతా విరించిజననీ విద్యా సరోజాసనా || 4 ||
సర్వాభీష్టఫలప్రదేతి సతతం నామాని యే ద్వాదశా | ప్రాతః శుద్ధతరాః పఠంతి సతతం సర్వాన్ లభంతే శుభాన్ || 5 ||
భద్రలక్ష్మీ స్తవం నిత్యం పుణ్యమేతచ్ఛుభావహమ్ | కాలే స్నాత్వాపి కావేర్యాం జప శ్రీవృక్షసన్నిధౌ || 6 ||
ఇతి శ్రీ భద్రలక్ష్మీ స్తవమ్ ||

[download id=”399664″]