శ్రీ లక్ష్మీ అష్టోత్తరశతనామ స్తోత్రం – 2

శ్రీర్లక్ష్మీ కమలా దేవీ మా పద్మా కమలాలయా |
పద్మేస్థితా పద్మవర్ణా పద్మినీ మణిపంకజా || 1
పద్మప్రియా నిత్యపుష్టా హ్యుదారా పద్మమాలినీ |
హిరణ్యవర్ణా హరిణీ హ్యర్ఘ్యా చంద్రా హిరణ్మయీ || 2
ఆదిత్యవర్ణాఽశ్వపూర్వా హస్తినాదప్రబోధినీ |
రథమధ్యా దేవజుష్టా సువర్ణరజతస్రజా || 3
గంధధ్వారా దురాధర్షా తర్పయంతీ కరీషిణీ |
పింగళా సర్వభూతానాం ఈశ్వరీ హేమమాలినీ || 4
కాంసోస్మితా పుష్కరిణీ జ్వలన్త్యనపగామినీ |
సూర్యా సుపర్ణా మాతా చ విష్ణుపత్నీ హరిప్రియా || 5
ఆర్ద్రా యః కరిణీ గంగా వైష్ణవీ హరివల్లభా |
శ్రయణీయా చ హైరణ్యప్రాకారా నళినాలయా || 6
విశ్వప్రియా మహాదేవీ మహాలక్ష్మీ వరా రమా |
పద్మాలయా పద్మహస్తా పద్మా గంధర్వసేవితా || 7
ఆయాసహారిణీ దివ్యా శ్రీదేవీ చంద్రసోదరీ |
వరారోహా భృగుసుతా లోకమాతాఽమృతోద్భవా || 8
సింధుజా శార్‍ఙ్గిణీ సీతా ముకుందమహిషీందిరా |
విరించిజననీ ధాత్రీ శాశ్వతా దేవపూజితా || 9
దుగ్ధా వైరోచనీ గౌరీ మాధవ్యచ్యుతవల్లభా |
నారాయణీ రాజ్యలక్ష్మీః మోహినీ సురసుందరీ || 10
సురేశసేవ్యా సావిత్రీ సంపూర్ణాయుష్కరీ సతీ |
సర్వదుఃఖహరారోగ్యకారిణీ సత్కళత్రికా || 11
సంపత్కరీ జయిత్రీ చ సత్సంతానప్రదేష్టదా |
విష్ణువక్షఃస్థలావాసా వారాహీ వారణార్చితా || 12
ధర్మజ్ఞా సత్యసంకల్పా సచ్చిదానందవిగ్రహా |
ధర్మదా ధనదా సర్వకామదా మోక్షదాయినీ || 13
సర్వశత్రుక్షయకరీ సర్వాభీష్టఫలప్రదా || 14
ఇతి శ్రీలక్ష్మీ అష్టోత్తరశతనామస్తోత్రమ్ |

[download id=”399177″]