శ్రీ వరాహ స్తుతిః (బ్రహ్మాది కృతం)
జయ దేవ మహాపోత్రిన్ జయ భూమిధరాచ్యుత |
హిరణ్యాక్షమహారక్షోవిదారణవిచక్షణ || 1 ||
త్వమనాదిరనంతశ్చ త్వత్తః పరతరో న హి |
త్వమేవ సృష్టికాలేఽపి విధిర్భూత్వా చతుర్ముఖః || 2 ||
సృజస్యేతజ్జగత్సర్వం పాసి విశ్వం సమంతతః |
కాలాగ్నిరుద్రరూపీ చ కల్పాన్తే సర్వజంతుషు || 3 ||
అంతర్యామీ భవన్ దేవ సర్వకర్తా త్వమేవ హి |
నిష్కృష్టం బ్రహ్మణో రూపం న జానంతి సురాస్తవ || 4 ||
ప్రసీద భగవన్ విష్ణో భూమిం స్థాపయ పూర్వవత్ |
సర్వప్రాణినివాసార్థమస్తువన్ విబుధవ్రజాః || 5 ||
ఇతి శ్రీస్కందపురాణే వేంకటాచలమాహాత్మ్యే దేవకృత శ్రీ వరాహ స్తుతిః |

[download id=”400282″]