Dainya Ashtakam – దైన్యాష్టకం – Telugu Lyrics

దైన్యాష్టకం
శ్రీకృష్ణ గోకులాధీశ నందగోపతనూద్భవ |
యశోదాగర్భసంభూత మయి దీనే కృపాం కురు || 1 ||
వ్రజానంద వ్రజావాస వ్రజస్త్రీహృదయస్థిత |
వ్రజలీలాకృతే నిత్యం మయి దీనే కృపాం కురు || 2 ||
శ్రీభాగవతభావార్థరసాత్మన్ రసికాత్మక |
నామలీలావిలాసార్థం మయి దీనే కృపాం కురు || 3 ||
యశోదాహృదయానంద విహితాంగణరింగణ |
అలకావృతవక్త్రాబ్జ మయి దీనే కృపాం కురు || 4 ||
విరహార్తివ్రతస్థాత్మన్ గుణగానశ్రుతిప్రియ |
మహాదైన్యదయోద్భూత మయి దీనే కృపాం కురు || 5 ||
అత్యాసక్తజనాసక్త పరోక్షభజనప్రియ |
పరమానందసందోహ మయి దీనే కృపాం కురు || 6 ||
నిరోధశుద్ధహృదయ-దయితాగీతమోహిత |
ఆద్యంతకవియోగాత్మన్ మయి దీనే కృపాం కురు || 7 ||
స్వాచార్యహృదయస్థాయి లీలాశతయుతప్రభో |
సర్వథా శరణం యాతే మయి దీనే కృపాం కురు || 8 ||
ఇతి శ్రీహరిరాయాచార్యవిరచితం దైన్యాష్టకమ్ ||

[download id=”400264″]