Hanuman namaskara – హనుమన్నమస్కారః – Telugu Lyrics

హనుమన్నమస్కారఃఅతులితబలధామం హేమశైలాభదేహం దనుజవనకృశానుం జ్ఞానినామగ్రగణ్యమ్ | సకలగుణనిధానం వానరాణామధీశం రఘుపతిప్రియభక్తం వాతజాతం నమామి || 1 ||
గోష్పదీకృతవారీశం మశకీకృతరాక్షసమ్ | రామాయణమహామాలారత్నం వందేఽనిలాత్మజమ్ || 2 ||
అంజనానందనం వీరం జానకీశోకనాశనమ్ | కపీశమక్షహంతారం వందే లంకాభయంకరమ్ || 3 ||
మహావ్యాకరణాంభోధి-మంథమానసమందరమ్ | కవయంతం రామకీర్త్యా హనుమంతముపాస్మహే || 4 ||
ఉల్లంఘ్య సింధోః సలిలం సలీలం యః శోకవహ్నిం జనకాత్మజాయాః | ఆదాయ తేనైవ దదాహ లంకాం నమామి తం ప్రాంజలిరాంజనేయమ్ || 5 ||
మనోజవం మారుతతుల్యవేగం జితేంద్రియం బుద్ధిమతాం వరిష్ఠమ్ | వాతాత్మజం వానరయూథముఖ్యం శ్రీరామదూతం శిరసా నమామి || 6 ||
ఆంజనేయమతిపాటలాననం కాంచనాద్రికమనీయవిగ్రహమ్ | పారిజాతతరుమూలవాసినం భావయామి పవమాననందనమ్ || 7 ||
యత్ర యత్ర రఘునాథకీర్తనం తత్ర తత్ర కృతమస్తకాంజలిమ్ | బాష్పవారిపరిపూర్ణలోచనం మారుతిం నమత రాక్షసాంతకమ్ || 8 ||

[download id=”400112″]