శ్రీ చంద్ర అష్టావింశతి నామ స్తోత్రం చంద్రస్య శృణు నామాని శుభదాని మహీపతే | యాని శృత్వా నరో దుఃఖాన్ముచ్యతే నాత్ర సంశయః || 1 ||
సుధాకరో విధుః సోమో గ్లౌరబ్జః కుముదప్రియః | లోకప్రియః శుభ్రభానుశ్చంద్రమా రోహిణీపతిః || 2 ||
శశీ హిమకరో రాజా ద్విజరాజో నిశాకరః | ఆత్రేయ ఇందుః శీతాంశురోషధీషః కళానిధిః || 3 ||
జైవాతృకో రమాభ్రాతా క్షీరోదార్ణవసంభవః | నక్షత్రనాయకః శంభుశ్శిరశ్చూడామణిర్విభుః || 4 ||
తాపహర్తా నభోదీపో నామాన్యేతాని యః పఠేత్ | ప్రత్యహం భక్తిసంయుక్తస్తస్య పీడా వినశ్యతి || 5 ||
తద్దినే చ పఠేద్యస్తు లభేత్సర్వం సమీహితమ్ | గ్రహాదీనాం చ సర్వేషాం భవేచ్చంద్రబలం సదా || 6 ||

[download id=”399620″]