శ్రీ కృష్ణలహరీ స్తోత్రం
కదా బృందారణ్యే విపులయమునాతీరపులినే
చరంతం గోవిందం హలధరసుదామాదిసహితమ్ |
అహో కృష్ణ స్వామిన్ మధురమురళీమోహన విభో
ప్రసీదేతి క్రోశన్నిమిషమివ నేష్యామి దివసాన్ || 1 ||
కదా కాళిందీయైః హరిచరణముద్రాంకితతటైః
స్మరన్గోపీనాథం కమలనయనం సస్మితముఖమ్ |
అహో పూర్ణానందాంబుజవదన భక్తైకలలన
ప్రసీదేతి క్రోశన్నిమిషమివ నేష్యామి దివసాన్ || 2 ||
కదాచిత్ఖేలంతం వ్రజపరిసరే గోపతనయే
కుతశ్చిత్సంప్రాప్తం కిమపి భయదం హరవిభో |
అయే రాధే కిం వా హరసి రసికే కంచుకయుగం
ప్రసీదేతి క్రోశన్నిమిషమివ నేష్యామి దివసాన్ || 3 ||
కదాచిద్గోపీనాం హసితచకితం స్నిగ్ధనయనం
స్థితం గోపీబృందే నటమివ నటంతం సులలితమ్ |
సురాధీశైః సర్వైః స్తుతపదమిమం శ్రీహరిమితి
ప్రసీదేతి క్రోశన్నిమిషమివ నేష్యామి దివసాన్ || 4 ||
కదాచిత్సచ్ఛాయాశ్రితమభిమహాంతం యదుపతిం
సమాధిస్వచ్ఛాయాంచల ఇవ విలోలైకమకరమ్ |
అయే భక్తోదారాంబుజవదన నందస్య తనయ
ప్రసీదేతి క్రోశన్నిమిషమివ నేష్యామి దివసాన్ || 5 ||
కదాచిత్కాళింద్యాం తటతరుకదంబే స్థితమిమం
స్మయంతం సాకూతం హృతవసనగోపీస్తనతటమ్ |
అహో శక్రానందాంబుజవదన గోవర్ధనధరం
ప్రసీదేతి క్రోశన్నిమిషమివ నేష్యామి దివసాన్ || 6 ||
కదాచిత్కాంతారే విజయసఖమిష్టం నృపసుతం
వదంతం పార్థేంద్రం నృపసుత సఖే బంధురితి చ |
భ్రమంతం విశ్రాంతం శ్రితమురళి రమ్యం హరిమిమం
ప్రసీదేతి క్రోశన్నిమిషమివ నేష్యామి దివసాన్ || 7 ||
కదా ద్రక్ష్యే పూర్ణం పురుషమమలం పంకజదృశం
అహో విష్ణో యోగిన్ రసికమురళీమోహన విభో |
దయాం కర్తుం దీనే పరమకరుణాబ్ధే సముచితం
ప్రసీదేతి క్రోశన్నిమిషమివ నేష్యామి దివసాన్ || 8 ||
ఇతి వాసుదేవానందసరస్వతీకృత శ్రీకృష్ణలహరీ స్తోత్రమ్ |

[download id=”399222″]