శ్రీ నృసింహ ద్వాదశనామ స్తోత్రం

అస్య శ్రీనృసింహ ద్వాదశనామ స్తోత్ర మహామంత్రస్య వేదవ్యాసో భగవాన్ ఋషిః, అనుష్టుప్ ఛందః శ్రీలక్ష్మీనృసింహో దేవతా శ్రీలక్ష్మీనృసింహ ప్రీత్యర్థే జపే వినియోగః |
ప్రథమం తు మహాజ్వాలో ద్వితీయం తూగ్రకేసరీ |
తృతీయం వజ్రదంష్ట్రశ్చ చతుర్థం తు విశారదః || 1 ||
పంచమం నారసింహశ్చ షష్ఠః కశ్యపమర్దనః |
సప్తమో యాతుహంతా చ అష్టమో దేవవల్లభః || 2 ||
తతః ప్రహ్లాదవరదో దశమోఽనంతహస్తకః | [నవం]
ఏకాదశో మహారుద్రః ద్వాదశో దారుణస్తథా || 3 ||
ద్వాదశైతాని నామాని నృసింహస్య మహాత్మనః |
మంత్రరాజ ఇతి ప్రోక్తం సర్వపాపవినాశనమ్ || 4 ||
క్షయాపస్మార కుష్ఠాది తాపజ్వర నివారణమ్ |
రాజద్వారే మహాఘోరే సంగ్రామే చ జలాంతరే || 5 ||
గిరిగహ్వారకారణ్యే వ్యాఘ్రచోరామయాదిషు |
రణే చ మరణే చైవ శమదం పరమం శుభమ్ || 6 ||
శతమావర్తయేద్యస్తు ముచ్యతే వ్యాధిబంధనాత్ |
ఆవర్తయన్ సహస్రం తు లభతే వాంఛితం ఫలమ్ || 7 ||
ఇతి శ్రీ నృసింహ ద్వాదశనామ స్తోత్రమ్ |

[download id=”399053″]