శ్రీ శివ మంగళాష్టకంభవాయ చంద్రచూడాయ నిర్గుణాయ గుణాత్మనే | కాలకాలాయ రుద్రాయ నీలగ్రీవాయ మంగళమ్ || 1 ||
వృషారూఢాయ భీమాయ వ్యాఘ్రచర్మాంబరాయ చ | పశూనాం పతయే తుభ్యం గౌరీకాంతాయ మంగళమ్ || 2 ||
భస్మోద్ధూళితదేహాయ వ్యాళయజ్ఞోపవీతినే | రుద్రాక్షమాలాభూషాయ వ్యోమకేశాయ మంగళమ్ || 3 ||
సూర్యచంద్రాగ్నినేత్రాయ నమః కైలాసవాసినే | సచ్చిదానందరూపాయ ప్రమథేశాయ మంగళమ్ || 4 ||
మృత్యుంజయాయ సాంబాయ సృష్టిస్థిత్యంతకారిణే | త్ర్యంబకాయ సుశాంతాయ త్రిలోకేశాయ మంగళమ్ || 5 ||
గంగాధరాయ సోమాయ నమో హరిహరాత్మనే | ఉగ్రాయ త్రిపురఘ్నాయ వామదేవాయ మంగళమ్ || 6 ||
సద్యోజాతాయ శర్వాయ భవ్యజ్ఞానప్రదాయినే | ఈశానాయ నమస్తుభ్యం పంచవక్త్రాయ మంగళమ్ || 7 ||
సదాశివస్వరూపాయ నమస్తత్పురుషాయ చ | అఘోరాయ చ ఘోరాయ మహాదేవాయ మంగళమ్ || 8 ||
శ్రీచాముండాప్రేరితేన రచితం మంగళాస్పదమ్ | తస్యాభీష్టప్రదం శంభోః యః పఠేన్మంగళాష్టకమ్ || 9 ||
ఇతి శ్రీ శివమంగళాష్టకమ్ |

[download id=”398833″]