శ్రీ వేంకటేశ ద్వాదశనామ స్తోత్రంఅస్య శ్రీ వేంకటేశ ద్వాదశనామ స్తోత్ర మహామంత్రస్య బ్రహ్మా ఋషిః అనుష్టుప్ ఛందః శ్రీ వేంకటేశ్వరో దేవతా ఇష్టార్థే వినియోగః | నారాయణో జగన్నాథో వారిజాసనవందితః | స్వామిపుష్కరిణీవాసీ శంఖచక్రగదాధరః || 1 ||
పీతాంబరధరో దేవో గరుడాసనశోభితః | కందర్పకోటిలావణ్యః కమలాయతలోచనః || 2 ||
ఇందిరాపతిగోవిందః చంద్రసూర్యప్రభాకరః | విశ్వాత్మా విశ్వలోకేశో జయ శ్రీవేంకటేశ్వరః || 3 ||
ఏతద్ద్వాదశనామాని త్రిసంధ్యం యః పఠేన్నరః | దారిద్ర్యదుఃఖనిర్ముక్తో ధనధాన్యసమృద్ధిమాన్ || 4 ||
జనవశ్యం రాజవశ్యం సర్వకామార్థసిద్ధిదమ్ | దివ్యతేజః సమాప్నోతి దీర్ఘమాయుశ్చ విందతి || 5 ||
గ్రహరోగాదినాశం చ కామితార్థఫలప్రదమ్ | ఇహ జన్మని సౌఖ్యం చ విష్ణుసాయుజ్యమాప్నుయాత్ || 6 ||
ఇతి బ్రహ్మాండపురాణే బ్రహ్మనారదసంవాదే శ్రీ వేంకటేశద్వాదశనామస్తోత్రమ్ |

[download id=”398531″]