Vishnu Shatpadi stotram – శ్రీ విష్ణు షట్పదీ స్తోత్రం – Telugu Lyrics

శ్రీ విష్ణు షట్పదీ స్తోత్రం అవినయమపనయ విష్ణో దమయ మనః శమయ విషయమృగతృష్ణామ్ | భూతదయాం విస్తారయ తారయ సంసారసాగరతః || 1 ||
దివ్యధునీమకరందే పరిమళపరిభోగసచ్చిదానందే | శ్రీపతిపదారవిందే భవభయఖేదచ్ఛిదే వందే || 2 ||
సత్యపి భేదాపగమే నాథ తవాఽహం న మామకీనస్త్వం | సాముద్రో హి తరంగః క్వచన సముద్రో న తారంగః || 3 ||
ఉద్ధృతనగ నగభిదనుజ దనుజకులామిత్ర మిత్రశశిదృష్టే | దృష్టే భవతి ప్రభవతి న భవతి కిం భవతిరస్కారః || 4 ||
మత్స్యాదిభిరవతారైరవతారవతాఽవతా సదా వసుధాం | పరమేశ్వర పరిపాల్యో భవతా భవతాపభీతోఽహం || 5 ||
దామోదర గుణమందిర సుందరవదనారవింద గోవింద | భవజలధిమథనమందర పరమం దరమపనయ త్వం మే || 6 ||
నారాయణ కరుణామయ శరణం కరవాణి తావకౌ చరణౌ | ఇతి షట్పదీ మదీయే వదనసరోజే సదా వసతు || 7 ||

[download id=”398367″]